- Autoría: Confederación de Empresarios de Galicia
- Ano:
- Páxinas: 76
Descarga o documento
Dende comezos dos anos oitenta, coa aprobación do Estatuto de autonomía de Galicia (1981)1, logo da aprobación da Constitución española (1978), estableceuse como interese preferente das institución políticas autonómicas a normalización da lingua galega2. Aínda que é un termo que admite diferentes conceptualizacións e interpretacións, por “normalización” queríase dicir a equiparación, polo menos, de galego e castelán, e isto en dúas direccións. A primeira referíase ó estatus ou prestixio do galego, tradicionalmente considerado inferior ó castelán, o que facía que se restrinxise principalmente ós ámbitos oral, privado e da informalidade. A segunda enfatizaba a necesidade de incorporar esta lingua ó funcionamento ordinario e cotián das institucións políticas, e de xeito destacado no referido ó traballo da Administración pública autonómica. Entón, a normalización era tanto un proxecto como un proceso, a través dos cales o galego debía chegar a convivir, polo menos, en termos de igualdade co castelán.
0 comentarios:
Enviar um comentário