Dicionario de pronuncia da lingua galega

• Autoría: Xosé Luís Regueira
• Entidade: Instituto da Lingua Galega
• Ano: 2010
• ISBN: 978-84-87987-77-9
• Páxinas: 771

Descárgao aquí

O noso propósito non é establecer unha “normativa” fonética ao modo da normativa ortográfica. Os estándares orais non teñen o carácter coercitivo dos estándares escritos, e sempre se permite unha maior variación na lingua falada, incluso nos niveis e rexistros máis elevados e formalizados. Por outra parte, o establecemento da pronuncia estándar correspóndelle á sociedade galegofalante (ou aos grupos máis influentes dela). O noso obxectivo é ben máis modesto: propoñer un modelo de pronuncia que poida ser aceptado en contextos en que se requira o emprego da lingua estándar. A finalidade última, naturalmente, é a de influír nos modelos públicos de galego de maneira que a súa fonética sexa máis próxima á do galego histórico (o herdado polos galegofalantes, fronte a outros modelos con certa difusión pública desenvolvidos por contacto co español), e será por tanto máis coherente cos criterios que presiden a formación do estándar escrito do galego.