Os meus favoritos. Guía de enderezos de internet

• Autoría: SNL de Carballo, Malpica de Bergantiños, Ponteceso e Zas
• Ano: 2011
• Páxinas: 23

Descárgao aquí

Desde o ano 1963 celebramos e reivindicamos en Galicia a nosa lingua e as nosas letras. A partir de 2006 o mesmo día celebramos, ademais, o Día de Internet que, pola súa vez, coincide co Día Mundial das Telecomunicacións e da Sociedade da Información, que se celebra xa desde 1969. Todo isto fai que o 17 de maio sexa unha xornada de celebración e reivindicación simultánea que se converte nunha moi boa ocasión para intensificar a relación imprescindíbel entre a lingua e a rede.

Todas as galegas e todos os galegos temos a oportunidade de participar no mundo globalizado da rede con identidade propia a través da nosa lingua e debemos ver Internet como unha ferramenta de comunicación, creación, difusión, participación e opinión que pode e debe integrarnos nun contexto internacionalizado desde a nosa identidade.

Os servizos de normalización lingüística (SNL) dos concellos de Carballo, Malpica de Bergantiños, Ponteceso e Zas, por medio desta guía, queremos difundir unha pequena selección de sitios web en galego para así contribuír á difusión da información na nosa lingua, ao mesmo tempo que á difusión da creación artística, da cultura, do deporte, da literatura, da música, dos espazos de participación e creación de opinión, do ensino, do medio, etc. Con ela queremos convidarvos a que naveguedes e a que descubrades o ciberespazo en galego.

A través de Internet podemos conectarnos á lingua e a través da lingua podemos conectarnos a Internet.