• para compartires e descargares!

    Investigación e lingua. Propostas para a mellora da presenza do galego na actividade científica


    No ano 2012 a Comisión Interuniversitaria de Política Lingüística, que está composta polas tres universidades do sistema universitario galego e as secretarías xerais de Universidades e de Política Lingüística da Xunta de Galicia, encargoulle á profesora Alba Nogueira un estudo sobre o uso do galego e o recoñecemento da actividade investigadora. O seu obxectivo é determinar se a nosa lingua está en condicións de igualdade coas outras linguas oficiais do Estado ou se existen situacións de desvantaxe que pexen o seu uso na investigación.

    Despois de presentalo en xuño de 2013, este documento hanos permitir o debate e a adopción de medidas para incentivar o uso do galego na investigación e na transferencia de coñecemento científico

    Autora: Alba Nogueira López
    Ano: 2014
    ISBN: 978-84-8158-631-2
    Páxinas: 52

    Descárgao aquí

    Fonte da descarga: Área de Normalización Lingüística da Universidade de Vigo

    0 comentarios:

    Publicar um comentário

     

    Sobre min

    Ola! Aínda que pareza mentira, esta cousa se lle ocorreu a alguén e ese alguén fun eu, o @echeoqhai de Twitter, aínda que na casa me coñecen por Iván.

    Serei breve: son licenciado en Filoloxía Galega, traballei no SNL e na OSL da UDC, e tamén no SNL de Cerceda. Agora ando enredado na internet.

    Na vida pública son aprendiz de gaiteiro de @osvicentes, secretario dos Curriolos, vogal e de Tempo Novo e xogador dos @Fillosdebreogan.

    Cando teño tempo actualizo este blog e, con menos frecuencia, un outro que tenta ser serio e outro máis que non o é.

    Como comprenderás con esta actividade, son solteiro sen cargas familiares :P